en_US
en
 

ووڵاته‌كه‌م

off
Mobile View
Desktop View
نوێژ
1442

نوێژی به‌ ده‌ست هێنانی پاداشتێكی زۆر
واته‌: نوێژی به‌ ده‌ست هێنانی پاداشتێكی زۆر ، سه‌باره‌ت به‌م نوێژه‌ بیدعه‌یه‌ ئیمامی نه‌وه‌وی (ڕه‌حمه‌تی خوای گه‌وره‌ی لێبێت) ده‌ڵێت : (الصَّلَاةُ الْمَعْرُوفَةُ بصلاة الرغائب ، وهي ثنتى عَشْرَةَ رَكْعَةً تُصَلَّى بَيْنَ الْمَغْرِبِ وَالْعِشَاءِ لَيْلَةَ أَوَّلِ جُمُعَةٍ فِي رَجَبٍ ، وَصَلَاةُ لَيْلَةِ نِصْفِ شَعْبَانَ مِائَةُ رَكْعَةٍ ، وَهَاتَانِ الصَّلَاتَانِ بِدْعَتَانِ وَمُنْكَرَانِ قَبِيحَتَانِ وَلَا يُغْتَرُّ بِذَكَرِهِمَا فِي كِتَابِ قُوتِ الْقُلُوبِ ، وَإِحْيَاءِ عُلُومِ الدِّينِ ، وَلَا بِالْحَدِيثِ الْمَذْكُورِ فِيهِمَا ، فَإِنَّ كُلَّ ذَلِكَ بَاطِلٌ ، وَلَا يُغْتَرُّ بِبَعْضِ مَنْ اشْتَبَهَ عَلَيْهِ حُكْمُهُمَا مِنْ الْأَئِمَّةِ فَصَنَّفَ وَرَقَاتٍ فِي اسْتِحْبَابِهِمَا فَإِنَّهُ غَالِطٌ فِي ذَلِكَ ، وَقَدْ صَنَّفَ الشَّيْخُ الْإِمَامُ أَبُو مُحَمَّدٍ عبد الرحمن بن اسمعيل الْمَقْدِسِيُّ كِتَابًا نَفِيسًا فِي إبْطَالِهِمَا فَأَحْسَنَ فِيهِ وَأَجَادَ رَحِمَهُ اللَّهُ ). 
واته‌: ئه‌و نوێژه‌ی كه‌ ناسراوه‌ به‌ نوێژی ڕه‌غائیب ، كه‌ پێكهاتووه‌ له‌ دوازده‌ ڕكه‌عه‌ت له‌ نێوان نوێژی مه‌غریب و عیشا ئه‌نجام ده‌درێت له‌ شه‌وی یه‌كه‌م جومعه‌ی مانگی ڕه‌جه‌ب ، وه‌ هه‌روه‌ها نوێژی شه‌وی نیوه‌ی شه‌عبان كه‌ پێكهاتووه‌ له‌ سه‌د ڕكه‌عه‌ت ، ئه‌م دوو جۆره‌ نوێژه‌ دوو بیدعه‌ی خراپ و ناشرینن له‌ دیندا موسوڵمان نابێت به‌م دوو بیدعه‌یه‌ هه‌ڵبخه‌ڵه‌تێت كه‌ له‌ كتابی (قوت القلوب) و كتابی (إحیاء علوم الدین) هاتووه‌ ، وه‌ به‌م فه‌رمووده‌‌ش هه‌ڵمه‌خه‌ڵه‌تێن كه‌ باس له‌م دوو بیدعه‌یه‌ ده‌كات ، گشت ئه‌م شتانه‌ی له‌م دوو كتێبه‌و حه‌دیسه‌ هه‌ڵبه‌ستراوه‌كه‌ هاتووه‌ باتڵه‌و پووچ و بێ مانایه‌ ، وه‌ نابێت موسوڵمان هه‌ڵبخه‌ڵه‌تێت به‌ هه‌ندێك له‌و پێشه‌وایانه‌ی حوكمی ئه‌م دوو نوێژه‌ بیدعه‌یان لێ تێكچووه‌ كاتێك هه‌ستاون به‌نووسینی چه‌ند وه‌ره‌قه‌یه‌ك له‌سه‌ر به‌سونه‌ت دانانی ئه‌م دوو نوێژه‌ ، ئه‌م جۆره‌ كه‌سانه‌ له‌م حوكمه‌یان به‌ هه‌ڵه‌دا چوون ، ئیمامی أبو محمدی عبدالرحمن ی مه‌قدسی كتێبێكی زۆر به‌سوودی نووسیوه‌ سه‌باره‌ت به‌ پووچه‌ڵ كردنه‌وه‌ی حوكمی به‌سونه‌ت دانانی ئه‌م دوو نوێژه‌ بیدعه‌یه‌ .

 

نوێژی دەرچوون و هاتنەوە لەماڵ(صلاة الدخول والخروج من المنزل)
واته‌: نوێژی چوونه‌ ژوور و هاتنه‌ ده‌ر له‌ ماڵ ، سونه‌ته‌ ئینسانی موسوڵمان كاتێك ده‌چێته‌ ماڵه‌وه‌ دوو ڕكه‌عه‌ت سونه‌ت بكات ، وه‌ كاتێك ده‌ر ده‌چێت له ‌ماڵ پێش ئه‌وه‌ی ده‌ربچێت سونه‌ته‌ دوو ڕكه‌عه‌ت بكات ، به‌ به‌ڵگه‌ی ئه‌م فه‌رمووده‌ صه‌حیحه‌ ، (إِذا خَرَجْتَ مِنْ مَنْزِلِكَ فَصَلِّ رَكْعَتَيْنِ تَمْنَعانِكَ مَخْرَجَ السُّوءِ وَإِذا دَخَلْتَ إِلَى مَنْزِلِكَ فَصَلِّ رَكْعَتَيْنِ تَمْنَعَانِكَ مَدْخَلَ السُّوءِ) . 
واته‌: هه‌ر كاتێك ویستت ده‌ربچیت له‌ ماڵته‌‌وه‌ بۆ ده‌ره‌وه‌ دوو ڕكه‌عه‌ت نوێژی سونه‌ت بكه‌ ، ئه‌م دوو ڕكه‌عه‌ته‌ سونه‌ته‌ ئه‌بێته‌ هۆكاری ڕێگری و پاراستنی تۆ له‌ ده‌رچونی خراپ و تووش بوون به‌ كاری خراپ ، وه‌ هه‌ر كاتێك هاتیته‌ ماڵه‌وه‌ دوو ڕكه‌عه‌ت سونه‌ت بكه‌ ، تۆ ده‌پارێزێت له‌ هاتنه‌ ژووره‌وه‌ی خراپ و تووش بوون به‌ كاری خراپ .